काठमाण्डौ । आईसीसी महिला टी–२० विश्वकप एशिया छनोटमा नेपालले आज बहराइनसँग खेल्दै छ।खेल दिउँसो सवा १२ बजे देखी थाइल्यान्डको तर्डथाई क्रिकेट ग्राउन्डमा हुने शुरू हुनेछ ।
यसअघि नेपालले बहराइनलाई ९ विकेटले हराएको थियो ।यस्तै नेपाल र हङकङबीचको पहिलो खेल वर्षाका कारण रद्द भएको थियो ।
अस्ति मङ्गलवार भएको अर्को खेलमा भने नेपाल हङकङसँग ७ विकेटले पराजित भएको थियो ।
महिला टी–२० विश्वकप एशिया छनोटमा ९ वटा टिम सहभागी छन् ।
नेपाल, बहराइन र हङकङ समूह ‘सी’ मा छन् ।
यस्तै समूह ‘ए’ मा भुटान, कुवेत र आयोजक थाइल्यान्ड तथा समूह ‘बी’ मा मलेसिया, कतार र यूएई छन् ।
प्रतियोगितामा हरेक समूहका शीर्ष टोली ‘सुपर थ्री’ मा पुग्नेछन् । ‘सुपर थ्री’ मा शीर्ष २ मा रहने टोली ग्लोबल छनोट चरणमा पुग्नेछन् ।filephoto
धादिङ आवाज डट कम - विकास विचार र ताजा समाचारको स्वतन्त्र खुराक
