काठमाण्डौ । सर्वोच्च अदालतले निजी विद्यालयमा विद्यार्थीलाई नेपाली भाषा बोल्नबाट वञ्चित नगर्न अन्तरिम आदेश जारी गरेको छ ।
स्मृति अधिकारी, विवेक बख्रेल र आयुष बडालले दायर गर्नुभएको रिटमाथि सुनुवाइ गर्दै न्यायाधीशद्वय टेकप्रसाद ढुङ्गाना र शान्तिसिंह थापाको संयुक्त इजलासले निजी तथा आवासीय विद्यालय परिसरभित्र नेपाली भाषा बोल्दा विद्यार्थीलाई दण्ड सजाय दिने कार्य नगर्न अतरिम आदेश जारी गरेको हो ।
रिटमा बालबालिकालाई मानसिक तनाव र अपमान गर्ने गरेको दाबी थियो । सर्वोच्चले शिक्षा मन्त्रालय, प्याब्सनसहितको नाममा कारण देखाऊ आदेश दिएको छ ।
साथै प्याब्सन मातहतका निजी विद्यालयमा नेपाली भाषा प्रयोग गरेबापत सजाय दिने भनी कुनै नीति निर्देशन भए त्यस्तो सर्कुलर खारेज हुने भन्दै कार्यान्वयन नगर्न सर्वोच्चले भनेको छ ।
धादिङ आवाज डट कम - विकास विचार र ताजा समाचारको स्वतन्त्र खुराक
