धादिङ । नेकपा (एमाले) को जनवर्गीय संगठन राष्ट्रिय युवा संघ नेपाल धादिङले जिल्लाको पाँच वटा पालिकामा अधिबेशन गर्ने भएको छ ।
शनिबार राष्ट्रिय युवा संघ नेपाल धादिङका संयोजक किरण पाठकको अध्यक्षतामा बसेको बैठकले पाँच वटा पालिकामा अधिबेशन गर्ने निर्णय गरेको हो ।
बैठकले अधिवेशनको मिति सार्वजनिक गरेको छ ।
जसअनुसार भदौ २४ गते ज्वालामुखी गाउँपालिका, भदौ २७ गते बेनीघाट रोराङ गाउँपालिका, भदौ २८ गते धुनीबेसी नगरपालिका, भदौ ३० गते नेत्रावती डबजोङ गाउँपालिका र असोज ६ गते नीलकण्ठ नगरपालिकामा अधिवेशन हुने भएको छ ।
त्यसैगरी बैठकले असोज ११ गते धादिङबेसीमा दशैं–तिहार विशेष शुभकामना आदानप्रदान तथा बृहत रक्तदान कार्यक्रम गर्ने निर्णय गरेको छ ।
धादिङ आवाज डट कम - विकास विचार र ताजा समाचारको स्वतन्त्र खुराक
