धादिङ । नेपाल कम्युनिस्ट पार्टी (एकीकृत समाजवादी) धादिङको जिल्ला अधिवेशन आगामी मंसिर १२ र १३ गते धादिङबेसीमा हुने भएको छ ।
शनिबार धादिङबेसीमा बसेको बैठकले जिल्ला अधिवेशन तोकेको हो । नेकपा एमालेबाट छुटिएपछि एकीकृत समाजवादीले पहिलो जिल्ला अधिवेशन गर्न लागेको हो ।
नेकपा एस धादिङका कार्यवाहक अध्यक्ष नारायण कार्कीको अध्यक्षतामा बसेको बैठकले विभिन्न समिति गठन गर्दै अधिवेशन भव्य बनाउने निर्णय गरेको जनाईएको छ ।
बैठकमा एकीकृत समाजवादीका वरिष्ठ उपाध्यक्ष राजेन्द्र पाण्डे, केन्द्रीय सदस्य गुरु बुर्लाकोटी लगायतको उपस्थीति रहेको थियो।
धादिङ आवाज डट कम - विकास विचार र ताजा समाचारको स्वतन्त्र खुराक
