धादिङ । सिद्धलेक गाउँपालिका वडा नं १ स्थित नलाङ बैरेनीमा रहेको आयाम इङलिस स्कुलमा खेल सप्ताह सुरु भएको छ।
विद्यालयको वार्षिक कार्यतालिका अनुसार शनिबारदेखी खेल सप्ताह सुरु भएको आयाम इङलिस स्कुलकी व्यवस्थापक ममिता अर्यालले जानकारी दिनुभयो ।
खेल सप्ताहको उद्घाटन पूर्व विद्यालय परिसरमा मार्चपास गरिएको थियो ।आज उदघाटनका दिन छात्ररछात्राको फुटबल, भलिबल, व्याडमिन्टन, खोखो, पोर्टबल लगाएतका खेलहरु सम्पन्न भएको अर्यालले बताउनुभयो ।
उहाँको अनुसार माघ २ गतेसम्म सञ्चालन हुने खेल सप्ताहमा प्राइमरी तथा प्री प्राइमरी अन्तरगत बल रेस, फ्रग रेस, फुटबल, भलिबल, कबड्डी, स्पोन रेस, निडल थ्रेड रेस, एथ्लेटिक्सका बिभिन्न बिधाहरु,लगायतका खेलहरु हुनेछन् भने शिक्षक र अभिभावकबिच पनि खेलहरु हुनेछन् ।
खेलकुदले विद्यार्थीको पढाईसंगै चौतर्फी विकास हुने भन्दै शिक्षासंगै अतिरिक्त क्रियाकलापले विद्यार्थीमा भएको प्रतिभा प्रस्फुटन हुने भएकाले खेल सप्ताह गरिएको विद्यालय सञ्चालक समितिका अध्यक्ष विकास कोइरालाले बताउनुभएको छ । खेलमा विजेता विद्यार्थीहरुलाई माघ २ गते पुरस्कार वितरण गरिने अध्यक्ष कोइरालाले बताउनुभयो।
दक्ष शिक्षक शिक्षिकाद्धारा मैत्रीपूर्ण वातावरणमा अध्यापन भईरहेको आयाममा हाल कक्षा ७ सम्म अध्यापन भईरहेको छ ।
विद्यालयमा हाल नृत्य कक्षा, तेक्वान्दो, स्पोटर्स कक्षा सञ्चालनमा रहेका छन् भने सुविधायुक्त कम्प्युटर ल्याव, लाईवेरी, अतिरिक्त क्रियाकलापको लागि आवश्यक सम्पूर्ण सामाग्री र दक्ष प्रशिक्षक रहेको व्यवस्थापक अर्यालले बताउनुभयो ।
विद्यालयमा करिब २ सय जना बिद्यार्थी, १५ जना शिक्षक शिक्षिका र अन्य कर्मचारी ३ जना रहेका छन् ।
धादिङ आवाज डट कम - विकास विचार र ताजा समाचारको स्वतन्त्र खुराक
