बारा । बाराको जीतपुरसिमरा उपमहानगरपालिका-१ पथलैया चोकबाट अवैध लागूऔषध अफिमसहित एक जना पक्राउ परेका छन्।
पक्राउ पर्नेमा धादिङको गजुरी गाउँपालिका-४ बस्ने २६ बर्षीय राजन चेपाङ रहेको प्रहरीले जनाएको छ।
धादिङबाट वीरगंजतर्फ जाँदै गरेको प्र.०३-०३-००१ प ५२७३ नम्बरको मोटरसाइकलमा सवार उनलाई आइतबार दिउँसो प्रहरी चौकी पथलैयाबाट खटिएको प्रहरीले २ किलो ५ सय ग्राम अफिम सहित पक्राउ गरेको प्रहरीले जनाएको छ।
यस सम्बन्धमा प्रहरीले आवश्यक अनुसन्धान गरिरहेको छ।
धादिङ आवाज डट कम - विकास विचार र ताजा समाचारको स्वतन्त्र खुराक
