धादिङ । धादिङको गल्छी गाउँपालिका-७ गल्छी चोकबाट अवैध लागूऔषध गाँजासहित दुई जना पक्राउ परेका छन् ।
पक्राउ पर्नेहरूमा गजुरी गाउँपालिका वडा नं.८ चैनपुर बस्ने ४४ वर्षीय बद्री अधिकारी र सोही ठाउँका ४६ वर्षीय देबराज अधिकारी रहेका प्रहरीले जनाएको छ ।
५ गते सोमबार बिहान करिब ३ बजेको समयमा विशेष सूचनाको आधारमा इलाका प्रहरी कार्यालय गजुरीबाट खटिएको प्रहरीले वीरगंजबाट काठमाडौंतर्फ जाँदै गरेको बा प्र ०३-००१ ख ३१३० नम्बरको बसमा सवार उनीहरूलाई करिब ८ किलोग्राम गाँजा फेला पारी पक्राउ गरेको हो ।
प्रहरीका अनुसार बद्री अधिकारीले बोकेको झोलाबाट चार ओटा पोकामा ४ किलो ५०० ग्राम र देवराज अधिकारीले बोकेको झोलाबाट चार ओटा पोकामा ४ किलो गाँजा बरामद गरिएको हो ।
पक्राउ परेकाहरुलाई धादिङ जिल्ला अदालतबाट सात दिनको म्याद थप भई अनुसन्धान भई रहेको प्रहरीले जनाएको छ ।
धादिङ आवाज डट कम - विकास विचार र ताजा समाचारको स्वतन्त्र खुराक
