धादिङ । उत्तरी धादिङको गङ्गाजमुना गाउँपालिकामा शैक्षिक क्षेत्रका सरोकारवालाविच अन्तरक्रिया कार्यक्रम सम्पन्न भएको छ।शनिबार गाउँपालिकाको वडा नम्बर(३ गुम्दीमा वडामा सञ्चालित विद्यालयहरुमा शैक्षिक सुधारका विषयमा छलफल गरिएको हो ।
गङ्गाजमुना गाउँपालिका-३ को आयोजनामा जनप्रतिनिधिहरु, वडा भित्र रहेका ६ वटा विद्यालयहरुका विद्यालय व्यवस्थापन समितिका अध्यक्ष, शिक्षक अभिभावक संघका अध्यक्ष, वि
द्यालयका प्रधानाध्यापक लगायतका शिक्षकहरुलाई गुणस्तरिय शिक्षा प्रवाह तथा शैक्षिक सुधारका विषयमा एक दिने अभिमूखिकरण गरिएको हो ।
कार्यक्रममा गङ्गाजमुना गाउँपालिका वडा नम्बर ३ का वडा अध्यक्ष राजकुमार गुरुङले शिक्षा क्षेत्रलाई वडाले विशेष प्राथमिकता दिएर काम गरिरहेको बताउनुभयो ।
कार्यक्रममा शैक्षिक सुधारका लागि विद्यालयमा देखिएका समस्या, चुनौति र ति समस्या तथा चुनौति समाधानका लागि जनप्रतिनिधि, शिक्षक, अभिभावकको भूमिका लगायतका विषयमा प्रयास नेपाल धादिङका कार्यकारी निर्देशक दामोदर अर्यालले सहजीकरण गर्नुभएको थियो ।
धादिङ आवाज डट कम - विकास विचार र ताजा समाचारको स्वतन्त्र खुराक
