धादिङ । गल्छी गाउँपालिका वडा नं ५ कोईलीखर्कबाट लागूऔषध मुद्दाका एक फरार प्रतिवादी पक्राउ परेका छन् ।
पक्राउ पर्नेमा कोईलीखर्कका अन्दाजी ७० वर्षिय सिंह बहादुर तामाङ रहेको जिल्ला प्रहरी कार्यालय धादिङका प्रवक्ता तथा सूचना अधिकारी (प्रहरी नायव उपरीक्षक) सुवास हमालले जानकारी दिनुभयो ।
धादिङ जिल्ला अदालतबाट फैसला कार्यान्वयन अन्तर्गत ४ बर्ष कैद तथा ४० हजार जरिवाना सजाय तोकिएकोमा वारदात पश्चात् फरार रहेका तामाङलाई इलाका प्रहरी कार्यालय गजुरी धादिङबाट खटिएको प्रहरीले खोजतलास गर्ने क्रममा मंगलबार बिहान पक्राउ गरेको प्रहरी नायव उपरीक्षक हमालले बताउनुभयो ।
तामाङलाई फैसला कार्यान्वयनको लागि अदालतमा दाखिला गरिएको हमालले बताउनुभयो ।
धादिङ आवाज डट कम - विकास विचार र ताजा समाचारको स्वतन्त्र खुराक
