धादिङ । नेकपा एमाले निकट राष्ट्रिय युवा संघ नेपालको धादिङ जिल्ला इन्चार्जमा सुनिल तामाङ र धादिङ जिल्ला संयोजकमा किरण पाठक चयन हुनुभएको छ ।
राष्ट्रिय युवा संघ नेपालको केन्द्रीय कमिटिको दोस्रो पूर्ण बैठकले तामाङ र पाठकलाई उक्त जिम्मेवारी दिएको हो।
यसअघि तामाङ धादिङ जिल्ला कमिटिको अध्यक्ष हुनुहुन्थ्यो भने पाठक उपाध्यक्ष हुनुहुन्थ्यो ।
केन्द्रीय कमिटिको बैठकले धादिङकै दिलिप पौडेललाई युवा संघ नेपालको केन्द्रीय सदस्यमा मनोनित गरी बागमती प्रदेशको सह इन्चार्जको जिम्मेवारी दिएको छ भने बागमती प्रदेशको संयोजकमा हरिशरण जम्कट्टेल र बागमती प्रदेश अन्तर जिल्ला संयोजकमा शिब ओझालाई चयन गरेको छ ।
धादिङ आवाज डट कम - विकास विचार र ताजा समाचारको स्वतन्त्र खुराक
