कृषि मन्त्री रामनाथ अधिकारीले दिए राजीनामा

धादिङ । कृषि तथा पशुपन्छी विकास मन्त्री रामनाथ अधिकारीले पदबाट राजीनामा दिनुभएको छ ।

धादिङ जिल्ला, प्रतिनिधिसभा क्षेत्र नम्बर २ बाट नेपाली कांग्रेसको तर्फबाट निर्वाचित सांसद समेत रहेका अधिकारीले आइतबार राजीनामाको घोषणा गर्नुभएको हो ।

भदौ २३ गते मुलुकका विभिन्न स्थानमा भ्रष्टाचार र अभिव्यक्ति स्वतन्त्रतामाथि नियन्त्रणको विरोध गर्दै युवापुस्ताले सञ्चालन गरेको शान्तिपूर्ण आन्दोलनमा भएको दमन, गोली प्रहार र बालबालिकासहितको ज्यानहानिप्रति असन्तुष्टि जनाउँदै नेपाली कांग्रेसका नेता डा. शेखर कोइरालाले आफ्नो पक्षबाट मन्त्री भएकाहरूलाई राजीनामा गर्न आग्रह गरेसँगै मन्त्री पद छाड्ने घोषणा गर्नुभएको हो ।

उहाँले भन्नुभयो, “साना कलिला छोराछोरीहरूको हत्या र दमन पश्चात देशलाई नै शोकाकुल पारेर सरकारमा बसिरहन मेरो नैतिकता र मेरो दलले दिएको शिक्षा विपरीत हुने भएकाले राजीनामा दिएको हुँ।”