काठमाडौं । आईसीसी टी–२० विश्वकप एसिया तथा इस्ट एसिया प्यासिफिक छनोटमा नेपालले आज जापानसँग खेल्दै छ । खेल नेपाली समयअनुसार सवा ४ बजे शुरू हुनेछ ।
नेपाल र जापान एक खेलअगावै सुपर सिक्समा प्रवेश गरेका छन्।
बिहीबार सम्पन्न समूह बीको खेलमा जापानले कुवेतलाई ५ बिकेटले स्तब्ध पारेपछि जापान र नेपाल एक खेल अगावै अघिल्लो चरणमा प्रवेश गरेका हुन्।
लगातार दोस्रो हारसँगै कुवेत प्रतियोगिताबाट बाहिरिएको छ।
आफ्नो पहिलो खेलमा कुवेत नेपालसँग ५८ रनले पराजित भएको थियो। अब आज हुने नेपाल र जापानबीचको खेल पछि समूह बीको विजेता र उपविजेताको टुङ्गो लाग्ने छ।
समूह बीमा दुवै टोलीको समान २-२ अंक रहे पनि नेपाल नेट रन रेटमा अघि भएकाले शीर्ष स्थानमा छ।
धादिङ आवाज डट कम - विकास विचार र ताजा समाचारको स्वतन्त्र खुराक
