बाहिरियो यस वर्षको मनसुन

काठमाडौं । नेपालबाट यस वर्षको मनसुन पूर्णरुपमा बाहिरिएको छ ।

जल तथा मौसम विज्ञान विभागका अनुसार आज असोज २४ गतेका दिन यस वर्षको मनसुन नेपालको सम्पूर्ण भूभागबाट बाहिरिएको हो ।

असोज २० गते अर्थात अक्टोबर ६ तारिखका दिनदेखि सुदूरपश्चिम प्रदेश, कर्णाली प्रदेश लगायत लुम्बिनी प्रदेशको पश्चिमी भू-भागका धेरै स्थानहरू र गण्डकी प्रदेशको पश्चिमी भू(भागका थोरै स्थानहरूबाट यस वर्ष मनसुन बाहिरिन शुरु भएको थियो।

आज भने नेपालको सम्पूर्ण भूभागबाट मनसुन बाहिरिएको जल तथा मौसम विज्ञान विभागले जनाएको छ ।

नेपालमा मनसुन भित्रिने सरदर मिति जुलाई १३ र बाहिरिने सरदर मिति अक्टुबर २ तारिख हो । तर यस वर्ष सरदर मितिभन्दा १५ दिन छिटो अर्थात् मे ३० तारिख जेठ १६ गते मनसुन नेपाल भित्रिएको थियो ।

सरदर मितिभन्दा आठ दिन ढिलो गरी अक्टुबर १० तारिख असोज २४ गते मनसुन बाहिरिएको छ।