काठमाडौं । बेरोजगार युवायुवतीलाई विदेश पठाउने भन्दै ठगी गरेको आरोपमा प्रहरीले धादिङका दुई युवकलाई पक्राउ गरेको छ ।
पक्राउ पर्नेहरूमा बुढानिलकण्ठ नगरपालिका-२ बस्ने धादिङ त्रिपुरासुन्दरी गाउँपालिका-२ घर भएका ३२ वर्षीय अर्जुन सुर्खेती र काठमाडौं तार्केश्वर नगरपालिका-५ बस्ने धादिङ त्रिपुरासुन्दरी गाउँपालिका-२ कै २४ वर्षीय रूपेश ढकाल रहेका प्रहरीले जनाएको छ ।
प्रहरीका अनुसार सुर्खेती र ढकालले जर्मनी पठाउने भन्दै दुई जना पीडितसँग ३५ लाख रुपैयाँ ठगी गरेको उजुरी परेको थियो ।
सोही उजुरीका आधारमा उनीहरूलाई पक्राउ गरी आवश्यक अनुसन्धान गरिरहेको प्रहरीले जनाएको छ ।
धादिङ आवाज डट कम - विकास विचार र ताजा समाचारको स्वतन्त्र खुराक
