काठमाण्डौ । महिला टी–२० विश्वकप एशिया छनोट अन्तरगत नेपालले आज हङकङसँग खेल्दै छ ।खेल दिउँसो सवा १२ बजेदेखी थाइल्याण्डको एशियन इन्स्टिच्युड टेक्नोलजी मैदानमा शुरू हुनेछ।
यसअघि लिग चरणको दोस्रो खेलमा नेपालले बहराइनलाई ९ विकेटले हराएको थियो । यो खेल वर्षाका कारण ५ ओभरमा भएको थियो ।नेपाल र हङकङको पहिलो खेल भने वर्षाले रद्द भएको थियो ।
नेपालले पर्सि बिहीवार फेरि बहराइनसँग खेल्नेछ ।
एशिया छनोटमा नेपालसँगै आयोजक थाइल्याण्ड, भुटान, कुवेत, कतार, मलेसिया, हङकङ, बहराइन र यूएईको सहभागिता रहेको छ ।नेपाल रहेको समूह ‘सी’मा बहराइन र हङकङ छन् ।
समूहका दुई टोलीले एक आपसमा समान दुई/दुई खेल खेलेपछि शीर्ष टोली अर्को चरणमा पुग्नेछ ।
तीनै समूहको शीर्ष टोलीले सुपर–३ मा प्रतिस्पर्धा गरेपछि शीर्ष दुई टोलीले ग्लोबल छनोटमा स्थान बनाउनेछन् ।filephoto
धादिङ आवाज डट कम - विकास विचार र ताजा समाचारको स्वतन्त्र खुराक
