धादिङ । धादिङमा यातायात व्यवसायीहरूले गरेको गाडी बन्दको मौका छोपी यात्रुसँग बढी भाडा लिने चार जना चालकलाई प्रहरीले कारबाही गरेको छ ।
पठाओ तथा इनड्राइभहरुले यात्रुबाट बढी भाडा असुलेको, यात्रुलाई हैरानी दिएको भन्ने गुनासो पश्चात जिल्ला प्रहरी कार्यालय धादिङबाट खटिएको प्रहरी टोलीले धादिङको विभिन्न स्थानहरुबाट ४ वटा सवारी साधन नियन्त्रणमा लिई यातायात व्यवस्था ऐन २०४९ अनुसार कारवाही गरी छाडिएको प्रहरीले जनाएको छ ।
यातायात व्यवसायीहरुले सार्वजनिक गाडी नचलाउँदा काम विशेषले ठाउँमा पुग्नुपर्नेहरुले पठाओ, इनड्राइभ, याङ्गोजस्ता राइड शेयरिङ प्रयोग गर्न बाध्य छन् ।
यीमध्ये केही चालकहरुले मनलाग्दी भाडा लिएको यात्रुको गुनासो छ ।
यात्रुले गुनासो गरेपछि प्रहरीले कडाइ गरेको छ । जथाभावी भाडा लिने राइड शेयरिङ सञ्चालकलाई कारबाही हुने प्रहरीले चेतावनी दिएको छ ।
धादिङ आवाज डट कम - विकास विचार र ताजा समाचारको स्वतन्त्र खुराक
