काठमाण्डौ । नेपाली राष्ट्रिय क्रिकेट टोलीको जर्सीको प्रायोजक नासा सेक्युरिटिज बनेको छ ।
आईतबार काठमाण्डौमा एक कार्यक्रमका बीच नेपाल क्रिकेट सङ्घ (क्यान) र नासा सेक्युरिटिजबीच जर्सी प्रायोजनसम्बन्धी सम्झौता भएको हो ।
कार्यक्रममा राष्ट्रिय खेलकुद परिषद्का सदस्य सचिव टङ्कलाल घिसिङ, क्यानका अध्यक्ष चतुरबहादुर चन्द र नासा सेक्युरिटिजका प्रबन्ध निर्देशक मदन पौडेलले संयुक्त रूपमा जर्सी अनावरण गरेका थिए ।
क्यान र नासा सेक्युटिरिजबीच तीन वर्षको सम्झौता भएको हो ।
सम्झौता अनुसार नासा सेक्युरिटिजले क्यानलाई वार्षिक २ करोड ३६ लाख रुपैयाँ दिनेछ ।जर्सी प्रायोजनको टेन्डरमा न्यूनतम मूल्य २ करोड रुपैयाँ तोकिएको छ । तस्वीर : क्यान
धादिङ आवाज डट कम - विकास विचार र ताजा समाचारको स्वतन्त्र खुराक
