काठमाडौं । काठमाडौं–मुग्लिङ सडकखण्ड दुईतर्फी नै खुलेको छ ।
पृथ्वी राजमार्गअन्तर्गत धादिङको थाक्रे गाउँपालिकाको सातकिलोमा खसेको पहिरो पन्छाएपछि सडक दुईतर्फी नै सुचारु भएको जिल्ला प्रहरी कार्यालय धादिङका सूचना अधिकारी (डिएसपी) सुवास हमालले जानकारी दिनुभयो ।
आज बिहान करिब साढे तीन बजेतिर खसेको पहिरोले अवरुद्ध भएको सडक आज बिहान करिब ७ः५० बजेदेखि दुईतर्फी खुलेको हमालले बताउनुभयो ।
बाटो खुले पनि सडकमा सवारी साधनको चाप छ । रातिदेखि नै सडक खुल्ने र बन्द हुने गरेकाले सयौं सवारीसाधनहरु बीचबाटोमै रोकिएका थिए ।
ती सवारी साधनहरुलाई ट्राफिक प्रहरीको सहयोगमा गन्तव्यमा पठाउने काम भइरहेको छ ।
सडकमा हतार नगरी ट्राफिक नियम पालना गरेर सवारी चलाउन चालकहरुलाई जिल्ला ट्राफिक प्रहरी कार्यालय धादिङले अनुरोध गरेको छ । filephoto
धादिङ आवाज डट कम - विकास विचार र ताजा समाचारको स्वतन्त्र खुराक
