२०८२ भाद्र १५, आईतबार

श्रमदानमार्फत सडक सरसफाई कार्यक्रम संचालन

  • धादिङ आवाज
  • २०८२ भाद्र १२, बिहिबार
श्रमदानमार्फत सडक सरसफाई कार्यक्रम संचालन

धादिङ । सिद्धलेक गाउँपालिका–१ को आयोजनामा श्रमदानमार्फत सडक सरसफाई कार्यक्रम संचालन भईरहेको छ ।

भोली शुक्रबार डुम्रे खोला प्रतिक्षालय चोक देखि वडा कार्यालय सडक अन्तर्गत जलेश्वरी आ.वि. वाजगरा देखि वडा कार्यलय हुँदै डाँडा गाँउ सम्मको सडक र चक्रपथ सडक अन्तर्गत ठुलो खोला देखि पाउनेटार, कुमालटार बेलटार सडक श्रमदानमार्फत सफा गरिने वडा अध्यक्ष पेमा वाङग्याल लामाले जानकारी दिनुभयो ।

विहान ७ बजे सञ्चालन हुने सरसफाई कार्यक्रममा बागमती प्रदेशको पूर्वमुख्यमन्त्री माओवादी केन्द्रका संसदीय दलका नेता शालिकराम जमकट्टेल पनि सहभागी हुने वडा अध्यक्ष लामाले बताउनुभयो ।

कार्यक्रममा सम्पूर्ण वडा नं १ का स्थानीय बासिन्दा, विभिन्न राजनीतिक दलका प्रतिनिधि, शिक्षक, नागरिक समाज, आमा समूह, युवा क्लब, टोल विकास समिति, स्वास्थ्य स्वयंसेविका तथा संघ–संस्था लगायत इच्छुक महानुभावहरुलाई उपस्थितिका लागि वडा कार्यालयले आग्रह गरेको छ ।

वडा नं. १ ले निरन्तर साप्ताहिक रुपमा संचालन गर्दै आएको र यो पाँचौ पटकको श्रमदान कार्यक्रम रहेको वडा अध्यक्ष लामाले बताउनुभयो । श्रमदानले वडा भित्र सरसफाई र एकता बढाउन योगदान गर्ने उहाँको भनाई छ ।

अभियान मार्फत वडाको सार्वजनिक स्थानलाई सफा राख्न, स्थानीय स्वामित्वको भावना बढाउन र सहकार्यको सन्देश पनि दिने वडा अध्यक्ष लामाले बताउनुभयो ।

आजको पत्रपत्रिकाबाट

ताजा अपडेट

३ दिन अघि

आज ऋषि पञ्चमी

खोजी गर्नुहोस