अष्ट्रेलियामा १६ वर्षमुनिका बालबालिकालाई फेसबुक, इन्स्टाग्राम, टिकटक, युट्युब, स्न्यापच्याट, रेडिटलगायत नौ वटा सामाजिक सञ्जाल प्लेटफर्म प्रयोग गर्न पूर्ण प्रतिबन्ध लगाएको छ ।
आउँदो डिसेम्बर १० तारिख अर्थात् अर्को महिनादेखि लागू हुने नियमानुसार कम्पनीहरूले नाबालकका नयाँ खाता खोलेमा वा पूराना खाता सञ्चालन गरे ठूलो रकम जरिवाना तिनुपर्ने बीबीसीले जनाएको छ । सरकारले सामाजिक सञ्जालले बालबालिकालाई हानिकारक सामग्री, साइबर असुरक्षा जस्ता जोखिममा पार्दै आएको भन्दै कडा कदम चालेको जनाएको छ ।
प्लेटफर्महरूलाई कडाइका साथ नियम कार्यान्वयन गर्न भनिएको छ । टिकटक, युट्युब र गूगल जस्ता कम्पनीहरुले भने नयाँ नियम कार्यान्वयन गर्न कठिन हुने चेतावनी दिएका छन् । तर सरकारले यो बालबालिकाको सुरक्षाका लागि अनिवार्य भएको बताएको छ ।-एजेन्सी
धादिङ आवाज डट कम - विकास विचार र ताजा समाचारको स्वतन्त्र खुराक
