धादिङ । पृथ्वी राजमार्ग अन्तर्गत धादिङको धुनिबेसी नगरपालिका-६ चालिसेमा सात वटा सवारी एकआपसमा ठोक्किँदा २ जनाको मृत्यु भएको छ भने ३३ जना घाइते भएका छन्।
आइतबार गोरखाबाट काठमाडौंतर्फ आउँदै गरेको बा १ प ९१७ नम्बरको बस, सोही दिशातर्फ जाँदै गरेको ग १ ख ८५५१ नम्बरको बस, विपरित दिशाबाट आएका NL01AB4654 नम्बरको डिब्बा गाडी, GJ03AZ3231 नम्बरको भारतीय बस, बा.प्र. ०६–००१ ग ००११ नम्बरको बस, ना ४ ख ७१५ नम्बरको ट्रक र लु ९५ प ३०७ नम्बरको मोटरसाइकल आपसमा ठोक्किएको हो।
दुर्घटनामा परी लु ९५ प ३०७ नम्बरको मोटरसाईकल चालक धादिङको थाक्रे गा.पा-६ महादेववेशी बस्ने बर्ष ५९ को सेख खलि एस र नाम, थर, वतन नखुलेको एक पुरुष रहेको जिल्ला प्रहरी कार्यालय धादिङका प्रहरी निरीक्षक श्याम कुमार बस्नेतले जानकारी दिनुभयो ।
दुवै शव हाल काठमाडौँस्थित टिचिङ अस्पतालमा राखिएको र मृतकको पहिचानका लागि आवश्यक पहल भईरहेको प्रहरीले जनाएको छ।
दुर्घटनामा घाईते हुनेहरु
बा १ प ९१७ नम्बरको बसमा रहेका घाइते
१) विनोद पोखरेल (बर्ष ५१), गोरखा पालुङटार-४ – निधारमा चोट, अवस्था मध्यम, काठमाडौं पठाइएको।
२) मिना पनेरु (बर्ष ३३), गोरखा–३ – निधार, दाहिने हात र खुट्टामा चोट, अवस्था मध्यम।
३) इन्द्रकुमारी देवकोटा (बर्ष ६९), गोरखा–१ – निधारमा चोट, अवस्था मध्यम।
४) सीता गजुरेल (बर्ष ६५), काठमाडौं पुरानो गुजेश्वरी–४ – निधारमा चोट, अवस्था मध्यम।
५) अजय घिमिरे (बर्ष ४०), लम्जुङ – च्यापुमा चोट, साईबाबा अस्पतालमा उपचारपछि काठमाडौं रिफर।
६) सुर्य घिमिरे (बर्ष ४०) – बाँया आँखामाथि सामान्य चोट, डिस्चार्ज।
७) कुशल घिमिरे (बर्ष १५) – आँखामुनि सामान्य चोट, डिस्चार्ज।
बा.प्र. ०६–००१ ग ००११ नम्बरको स्कुल बस (चितवन) का घाइते
८) बा.प्र.०६-००१ ग ००११ नं को बस चालक जि.चितवन कालिका न.पा-६ बस्ने बर्ष ४२ को उदय बहादुर थापा
९) चितवन कालिका न.पा-६ बस्ने बर्ष १६ को सुवित थिङ
१०) बर्ष १५ की कबिता सिङ
११) बर्ष १६ को यमवि श्रेष्ठ
१२) बर्ष १५ को रमित परियार
१३) बर्ष १६ को समिर मगर
१४) बर्ष १५ को ईस्माईल थिङ
१५) बर्ष ३२ की कमला लामिछाने
१६) बर्ष १३ को सचिन गुरुङ
१७) बर्ष २३ को शिव लामिछाने
१८) बर्ष १६ को आस्विन प्रजा
१९) बर्ष १६ कि राधिका चेपाङ
२०) बर्ष १६ को मिलन तामाङ
२१) बर्ष ७ की कशिस तामाङ
२२) बर्ष १८ को सन्तोस प्रजा
२३) बर्ष १५ को बिराज तामाङ
२४) बर्ष १२ को जयराम अर्याल
२५) बर्ष १७ को निशान गुरुङ
२६) बर्ष १६ को समिर परियार
२७) बर्ष १६ को जसमिन श्रेष्ठ
२८) बर्ष २० कमल गुरा
२९) बर्ष १६ की रबिना सुनार
३०) ईच्छाकामना गा.पा-७ बस्ने बर्ष १८ की प्रतिमा मगर
३१) बर्ष १४ को आयुब बि.क.
३२) बर्ष १५ की बिमला तामाङ
३३) NL01AB4654 नं. को डिब्बा गाडि चालक अं. ३०/३५ बर्षको ,नाम थर नखुलेको अवस्था गम्भिर
३४) ग १ ख ८५५१ नं. को बस चालक जि.गोरखा पालुङटार न.पा-३ बस्ने बर्ष ४४ को राजु कार्कि
दुर्घटनाका कारण केही समय अवरुद्ध बनेको राजमार्ग अहिले एकतर्फी रूपमा सञ्चालन भएको प्रहरीले जनाएको छ।दुर्घटनाका सम्बन्धमा थप अनुसन्धान भइरहेको प्रहरी निरीक्षक श्यामकुमार बस्नेतले जानकारी दिनुभयो ।
धादिङ आवाज डट कम - विकास विचार र ताजा समाचारको स्वतन्त्र खुराक
