धादिङ । खनियाबास गाउँपालिका–१ स्थित शिङ्गला माध्यमिक विद्यालयमा संस्कृति तथा ख्रिष्टमस विशेष शुभकामना आदान–प्रदान कार्यक्रम सम्पन्न भएको छ।
आपसी सद्भाव, भाइचारा र सहकार्यलाई प्रवर्द्धन गर्ने उद्देश्यले शुभकामना आदान–प्रदान गरिएको विद्यालयले जनाएको छ ।
कार्यक्रममा विद्यार्थीहरूले विभिन्न सांस्कृतिक नृत्य तथा सन्देशमूलक प्रस्तुति प्रस्तुत गरेका थिए।
खनियाबास गाउँपालिका१ का वडा अध्यक्ष सोनाम तामाङको प्रमुख आतिथ्यता रहेको कार्यक्रममा वडा सदस्यहरू, शिक्षक–अभिभावक संघका प्रतिनिधि, अभिभावकहरू, प्रयास नेपाल धादिङका प्रतिनिधि मनिस तामाङ, वडा प्राविधिक यर्मिया तामाङ तथा विद्यालयका शिक्षक–शिक्षिकाहरू सहभागी हुनु भएको थियो।
कार्यक्रमलाई सम्बोधन गर्दै प्रमुख अतिथि वडा अध्यक्ष सोनाम तामाङले संस्कार, संस्कृति र शिक्षाले विद्यार्थीको सर्वाङ्गीण विकासमा महत्वपूर्ण भूमिका खेल्ने बताउँदै यस्ता कार्यक्रमले प्रतिभा उजागर गर्न सहयोग पुग्ने धारणा व्यक्त गर्नुभयो। उहाँले सबैलाई ख्रिष्टमसको शुभकामना पनि व्यक्त गर्नुभयो।
धादिङ आवाज डट कम - विकास विचार र ताजा समाचारको स्वतन्त्र खुराक
