धादिङ । धादिङ कबड्डी सङ्घको कार्यवाहक अध्यक्षको जिम्मेवारी कोषाध्यक्ष मनीष श्रेष्ठलाई तोकिएको छ ।
सङ्घका अध्यक्ष रत्नेश कुमार यादव उच्च शिक्षाको सिलसिलामा वैदेशिक बसाइमा रहने भएपछि श्रेष्ठलाई कार्यवाहक अध्यक्षको जिम्मेवारी दिइएको हो ।
सङ्घले जारी गरेको सूचनाअनुसार दैनिक प्रशासनिक कार्य सञ्चालन, निर्णय कार्यान्वयन तथा सङ्घका सम्पूर्ण गतिविधिहरूलाई प्रभावकारी रूपमा अगाडि बढाउने उद्देश्यले आगामी अधिवेशन सम्पन्न नहुँदासम्मका लागि श्रेष्ठलाई कार्यवाहक अध्यक्षको जिम्मेवारी तोकिएको हो।
सङ्घका उपाध्यक्ष तथा सचिवसमेत हाल वैदेशिक बसाइमा रहेकाले सङ्घको नियमित कार्यसम्पादनमा सहजता ल्याउन उक्त निर्णय गरिएको अध्यक्ष रत्नेश कुमार यादवद्वारा जारी सूचनामा उल्लेख गरिएको छ।
धादिङ आवाज डट कम - विकास विचार र ताजा समाचारको स्वतन्त्र खुराक
